Вечерва почнува естрадниот магазин „Старс“
- Детали
- среда, 15 мај 2024
Вечерва со почеток во 20:30 часот на програмата на тв „Алфа“ започнува со емитување на новата естрадно-забавна емисија „Stars“, на која автор и водител е Ивана Јанковска.
Емисијата ќе биде од забавен карактер, а во неа ќе имате прилика да ги слушнете и запознаете одблиску најголемите балкански, но и домашни ѕвезди.
Покрај водителката Ивана, во емисијата свои улоги и задачи ќе имаат и двете млади инфлуенсерки, Јанја Станојевиќ и Марија Лазаревска.
“Ќе се обидеме да понудиме нешто ново, на публиката да им дадеме ексклузивни информации за познатите. Ќе ги прашаме се она што другите или избегнуваат или не сакаат да ги прашаат“, вели водителката Јанковска.
Инаку во првата емисија која ќе се емитува вечерва во 20:30 часот, гостинка е познатата српска пејачка Сања Вучиќ и нашата музичка ѕвезда Антониа Гиговска.
Препорачуваме
Најчитани неделава
