Во домот на Тео од Скопје: Шик уреден стан во кој се спојуваат бохо и скандинавскиот стил со најновата паметна технологија

Во дневната соба ми е омилената фотелја која е во форма на клацкалка.

Тука е и привремена работна маса и столче кои служат како домашна канцеларија, а каде се наоѓа и пренослив бел iMac од 2023-та година.

Но 'домашната канцеларија' и компјутерот уредно се складираат и кријат под и зад софата кога не се користат.

Софата, која потсетува на бојата на морето, предизвикува релаксација и удобност заедно со многубројните меки перничиња и плетеното ќебенце.

Темно сивата боја на ѕидот во дневната соба создава чувство на експанзивност и пространост, што го прави просторот многу поголем од што е.

На спротивната страна од обоениот ѕид е 72-инчен телевизор со бела конзола и со дрвени ногарки.

Големата дрвена подна светилка дава убав допир на пријатна топла светлина, а на таванот има лустер инспириран од плетена корпа.

Облеката и обувките се паметно поделени помеѓу влезниот ходник и ходникот поставен помеѓу тоалетот и спалната соба.

Влезниот ходник има декоративен простор за складирање чевли, кој истовремено служи како клупа за седење додека ги облекувате чевлите.

Во истиот елемент се складирани и сите алатки и средства за чистење.

Во другиот ходник има грандиозен шкаф со засивено огледало, кој достигнува од подот до таванот, а тоа го зголемува просторот визуелно.

Во тој плакар се сместени сите облеки и костими за дрег настапите.

Спалната соба зрачи луксуз со кралски кревет со димензии 180x200cm, елегантна подна ламба од дрво и бел метал, наткасни покрај креветот со дрвени ногарки и телевизор поставен на аголот од собата со приспособливо позиционирање.

Минт зелениот ѕид во спалната соба додава ладен и освежувачки допир, во комбинација со органската мека постелнина.

На таванот има голем бел метален лустер кој испушта пријатна светлина во просторот за спиење.

Продолжува на следната страница...